Na MWANDISHI WETU
-DODOMA
Spika wa Bunge la Dk.Tulia Ackson, ameitaka Serikali kupitia Wizara za Afya, TAMISEMI pamoja na Ofisi ya Rais Utumishi kuangalia upya utaratibu wa utoaji wa ajira kwa watumishi ikiwa ni pamoja na kutoa kipaumbele kwa watu wanaojitolea kufanya kazi bila malipo katika nafasi hizo.
Dk. Tulia ameyasema hayo leo Bungeni jijini Dodoma, wakati wa kikao cha tatu cha mkutano wa kumi na moja wa Bunge unaoendelea.
“Huwa haipendezi sana zinapotangazwa ajira mpya zinapotolewa unakuta wale watumishi wote waliokuwa wakijitolea katika nafasi hizo hakuna hata mmoja aliyepata. Sasa huwa tunajiuliza ni kwamba wale wanaojitolea hawana sifa na waliopo nyumbani ndio wanasifa zaidi,” amesisitiza Dk.Tulia
